«Самұрық-Қазына» қолдауымен Солнечный кентінде спорт кешені ашылды
25/12/2024
Нысан заманауи стандарттарға сәйкес толығымен жаңартылды. Қасбеттік жабындар мен жылуы оқшаулауы ауыстырылды, жылыту және желдету жүйелері, бассейн жабдықтары жаңартылды. Сондай-ақ, ішкі бөлмелер жөнделіп, инженерлік желілер ауыстырылды.
«Самұрық-Қазына» қоры корпоративтік әлеуметтік жауапкершілігі аясында бұқаралық спортты дамытуға ерекше мән береді. Қор қолдауымен 13 спорт кешені және 30-ға жуық спорт алаңын ашылып отыр. Алдағы уақытта да өңірлерде спорттық инфрақұрылымды дамыту жөніндегі бастамаларды қолдауды жалғастыратын боламыз», - деп атап өтті ашылу салтанатында «Самұрық-Қазына» АҚ Басқарушы директоры Ғибрат Ауғанов.
Кешен «Самұрық-Энерго» АҚ еншілес кәсіпорны «Екібастұз ГРЭС-2» станциясына тиесілі. Ауылдағы ең ірі денешынықтыру-сауықтыру кешенінде күн сайын 60-қа жуық адам жаттығады. Мұнда елдімекен халқының әлеуметтік осал топтарына және кәсіпорын қызметкерлері тегін айналысады. Жаңартылған кешен түрлі деңгейдегі спорттық іс-шараларды өткізуге қауқарлы.
Добавить комментарий