«Самұрық-Қазына» басшысы Н.Жақыпов онкологиялық оңалту орталығының жұмысына бастау берді

Орталық ағзаның бұзылған функцияларын қалпына келтіруге, емдеудің нәтижесінде пайда болған өмірдің жаңа жағдайларына бейімдеуге және әлеуметтік шаралар кешенін жүзеге асыруға бағытталған. Болашақта бұл орталық арқылы онкологиялық сырқаты бар 3000-ға жуық қазақстандыққа көмек көрсетілетін болады. Аталмыш оңалту бөлімшесі Батыс Қазақстан медициналық университетінің жанынан ашылды.  

 «Samruk-Kazyna Trust» қорының 2023 жылы атқарған жұмысына есеп беру шарасында сөз алған басқарма төрағасы Нұрлан Жақыпов аталмыш оңалту орталығына бастау беріп, сәттілік тіледі.

Сондай-ақ, шара барысында 5 жедел жәрдем көлігі мен реанимобильдің кілті Ақмола және Түркістан облыстарына табысталды. Енді шалғайда орналасқан ағайын қолжетімді уақытылы медициналық көмек алатын болады.

Дәл осындай көліктер өткен жылы 5 өңірге тарту етілген еді. 2023 жылы «Samruk-Kazyna Trust» қоры 7,2 млрд теңге болатын 46 әлеуметтік жобаны қаржыландырды.