«Самұрық-Қазына» АҚ Жаңаөзен қаласының үш мектебін 169 млн теңгеге интерактивті тақталармен және парталармен жабдықтады

Маңғыстау облысы Жаңаөзен қаласының Рауан шағын ауданындағы №22 жалпы білім беретін мектептің оқушылары оқу жылын «Samruk-Kazyna Trust» әлеуметтік жобаларды дамыту қоры сыйға тартқан парталарға отырып бастады. «Маңғыстау облысы Жаңаөзен қаласының жалпы білім беретін мектептерінің материалдық-техникалық базасын нығайту» жобасы шеңберінде үш мектепке жалпы сомасы 169 миллион теңгеге парталар мен интерактивті панельдерді өтеусіз беру жоспарланған.

Қыркүйек айының ортасына қарай жаңартылған кабинеттер Ақсу ықшамауданындағы Рахат ауылында орналасқан №18 мектепте (50 сыныптық) және Бостандық шағын ауданындағы №20 мектепте (45 сыныптық) пайда болады. Оқу мекемелеріне берілген парталардың заманауи жиынтықтарының жалпы саны 1756 дананы құрайды. Парталарды Қазақстандағы отандық жиһаз компаниясы әзірлеген. Сонымен қатар, осылайша жоба аясында үш мектептің әрқайсысында төрт интерактивті тақта пайда болады.

Алғашқы соғылған қоңырауға қонақ ретінде «Өзенмұнайгаз» АҚ бас директорының орынбасары Бекмағанбетов Қуаныш қатысты.

«Біздер үшін «Самұрық-Қазына» АҚ тобы компанияларының қатысуымен өңірлерде әлеуметтік инвестицияларды қолдау аса маңызды басымдық болып табылады. Мен «Samruk-Kazyna Trust» Корпоративтік қорының «Жарылқау» қоғамдық қорымен жерлестеріміздің, атап айтқанда, балаларымыздың өмір сүру сапасын жақсарту мақсатындағы бірлескен жұмыстарының нәтижесін туып өскен өлкемде көргеніме қуаныштымын. Бәлкім, ертең біздің болашақ әріптестеріміз бен озат өндіріс еңбеккерлері осы қабырғадан шығар. Оқушыларға оқуда үздік және армандарының орындалуына тілектеспін!» - деді Қуаныш Жұмағалиұлы қатысқан оқушыларға.

Жоба «Самұрық-Қазына» АҚ компаниялар тобының атынан қайырымдылықтың бірыңғай операторы – «Samruk-Kazyna Trust» әлеуметтік жобаларды дамыту Қорының қолдауымен, «Жарылқау» Халықты әлеуметтік қорғау және қолдау» қоғамдық қорының бастамасымен іске асырылуда. Қайырымдылық жобаның мақсаты балаларға білім беруді жетілдіру, тұлғаның зияткерлік дамуын, мектептердің материалдық-техникалық қамтамасыз етілуін жақсарту саласындағы қызметке жәрдемдесу болып табылады.