600 қазақстандық жасөспірім тегін саяхатқа аттанады

Қазақстанда танымал «Туған елге саяхат» жобасының жаңа маусымы басталды. Биылғы жылы еліміз бойынша қызықты саяхатқа 600 жас қазақстандық аттанады.

Осы жазда 12 мен 15 жас аралығындағы жас қазақстандықтар еліміздің көрікті және маңызды туристік объектілері арқылы арнайы пойызбен саяхаттайды. Балалардың сапары Астана қаласынан басталады, кейін олар Байқоңыр қаласына, ол жерден Түркістан, кейін Алакөл, Алматы қаласын аралап, Астанаға қайта оралады.