Ересектер мен балаларға қуаныш: Алматы облысында заманауи спорт кешені ашылды

Алматы облысы Әйтей ауылы тұрғындары үшін 1800 шаршы метрлік көпфункционалды спорт ғимараты ашылды.

Спорт кешенінде шағын футбол, волейбол, баскетбол және теннис, күрес кілемі, бокс рингі және екі жолақты жүгіру жолы бар. Қала тұрғындарына ыңғайлы болу үшін шешінетін бөлмелер мен жанкүйерлердің жылжымалы трибуналары орнатылды.

Сондай-ақ, кешен қажетті құрал-жабдықтармен жабдықталған: шағын футбол, баскетбол доптары, теннис ракеткалары және шарлар.

Кешен ауа райына қарамастан жыл бойы жұмыс істейтін болады. Орталық анкерлік жүйенің көмегімен негізге бекітілген екі қабатты ауа өткізбейтін мембранамен жабылған. Бұл конструкция қыста жылуды және жазда салқындықты сақтауға мүмкіндік береді.

Кешеннің ашылуы ҚР Тәуелсіздік күніне орайластырылған.

          «Мықты және өмірге құштар жас ұрпақты тәрбиелеу - еліміздің әлеуметтік саясатының басты міндеттерінің бірі. Елбасы Нұрсұлтан Назарбаев дені сау ұлт қана бәсекеге қабілетті бола алатынын, ал спорт - бұл, ең алдымен, Қазақстанның абыройы мен имиджі екенін бірнеше рет айтқан болатын! Сондықтан біздің облыста заманауи талаптарға сәйкес жаңа спорт нысандары мен кешендерінің құрылысы белсенді жүргізілуде. Біз салауатты өмір салтын насихаттау бастамасын қолдаймыз», - деп атап өтті Қарасай ауданының әкімі Жандарбек Далабаев.

          Спорт кешені «Samruk-Kazyna Trust» әлеуметтік жобаларды дамыту қорымен ашылды.

          «Бұл Қазақстанда Қор бастамасымен ашылған үшінші ауқымды спорт кешені. 2022 жылға дейін осындай спорт кешендері тағы 10 аймақта пайда болады. Бұл бастама кем дегенде 35 мың адамды қамтиды деп жоспарлануда. Бұл кешенді аша отырып және басқа да әлеуметтік жобаларды іске асыра отырып, «Samruk-Kazyna Trust» Қоры «Самұрық-Қазына» компаниялар тобының атынан жүзеге асатынын атап өту маңызды. Жаңа кешен барлық азаматтар үшін спортпен айналысуға арналған ыңғайлы орынға айналатынына сенімдіміз. Мүмкін дәл осы жерде болашақ олимпиада жүлдегерлері мен әлем чемпиондары тәрбиеленетін болады», - өз сөзінде «Samruk-Kazyna Trust» Бас директорының орынбасары Сергожа Қалиасқаров атап өтті.

Естеріңізге сала кетейік, Ақтөбе және Маңғыстау облыстарында тағы екі спорт кешені салынды. Кешендердің ашылу салтанаты 2021 жылдың желтоқсанында болып өтті.

Пікір үстеу