Петропавл облыстық балалар ауруханасында заманауи құрал-жабдықтармен жабдықталған жаңа оңалту бөлімшесі ашылды

Қалпына келтіру емі және медициналық оңалту тәулік бойғы стационар бөлімшесінде мультидисциплинарлық командамен пациенттердің ауру ағымының ерте де, кеш те қалпына келтіру кезеңінде де жүзеге асырылады.

Бұрын емдеу негізінен физиотерапиялық блоктың есебінен жүргізілді. Алайда балаларды оңалтуға деген үнемі өсіп келе жатқан қажеттілік, технологияның қарқынды дамуы техникалық жаңартуды қажет етті. Сондықтан толыққанды оңалту процесі үшін заманауи медициналық жабдықтар қажет болды.

Осыған бағытталған жобаны «Samruk-Kazyna Trust» әлеуметтік жобаларды дамыту Қорының қолдауымен «Улыбка» БҚҚО жүзеге асырды.

«Біздің Қор балалар өңірден шықпай-ақ білікті медициналық көмек алуы үшін облыстық аурухана үшін ең заманауи жабдықтардың 49 бірлігін сатып алды. Бұл мақсатқа «Самұрық-Қазына» компаниялар тобының атынан 80 миллионнан астам теңге бөлінді. Біз өзіміздің компанияларымыз бар өңірлерде халыққа жүйелі көмек көрсетудің маңыздылығын сезінеміз, сондықтан Денсаулық сақтау, білім беру және әлеуметтік даму саласындағы жергілікті жобаларға тұрақты түрде қолдау көрсетеміз», - деп «Samruk-Kazyna Trust» қорының ресми өкілі Мирас Иргебаев хабарлады.

Жаңа сатып алуларға физиотерапевтік емшараларға арналған жабдық (ультракүлгін кварцты сәулелендіргіш, магнитті-лазерлі терапия аппараты, зияткерлік физиотерапевтік жүйе, магнитотерапияға, электротерапияға және УВЧ-терапияға арналған аппараттар), ЕДШ залына арналған жабдық (швед қабырғалары, науқастарға арналған шынтақ сүйеніштері, аяқ-қолдарды әзірлеуге арналған тренажер, ұсақ моториканы дамытуға арналған бизиборд, нейро-ортопедиялық оңалту пневмокостюм және басқалары), пассивті және белсенді механотерапияға арналған жабдық (ортопедиялық тренажер, – жаяу жүру имитаторы, аяқ-қолдардың механотерапиясына арналған аппарат, тепе-теңдікті қалпына келтіруге және үйлестіруге арналған биологиялық кері байланысы бар тренажер және басқалар), БКБ-терапия кешендері.

«Жаңа бөлімше-біздің өңірге үлкен сыйлық. Біздің балаларымыз бұрыннан елордаға немесе басқа қалаларға бару қажеттілігінен арылтатын медициналық жабдыққа мұқтаж болған. Енді аурухана дәрігерлері бізге сол жерде көмектесе алады, ал ерекше қажеттіліктері бар балалар уақытылы және жүйелі түрде оңалтудан өтеді», - деді Татьяна Кожевникова - Қызылжар ауданы, Соколовка ауылынан келген аурухана пациенттерінің бір жасар Алмас және екі жасар Аланның анасы.

Қалпына келтіру емі және медициналық оңалту бөлімшесі 28 стационарлық төсекке арналған және жыл сайын неврологиялық, травматологиялық, ортопедиялық және кардиологиялық бейіндегі 600-ден астам пациентке оңалту көмегін көрсетуді жоспарлап отыр.

Кішкентай пациенттер үшін медициналық оңалту көмегі тегін көрсетіледі, өйткені қаржыландыру МӘМС қаражаты есебінен әлеуметтік медициналық сақтандыру қорымен шарт бойынша жүзеге асырылады.

Жаңа жабдықтың арқасында медициналық мекеме балалардың мүгедектігін азайтуға, стационарда болу мерзімдерін азайтуға және емдеу мен оңалтудың тиімділігін арттыруға қол жеткізе алады.