Зерделі демалыс: елордалық аула клубтарының тәрбиеленушілері үлкен сахнада спектакль қойды

Шығыс ертегілерінің желісіне негізделген «Уақыт дөңгелегі» спектаклі билік пен үстемдікке деген еліктіргіш сезімнің адам өмірін оңай басқаратыны жайлы хикая. Үлкен сахна - «Уақыт дөңгелегі» кілтін иемдену үшін ізгілік пен зұлымдықтың, жақсылық пен жамандықтың күресі алаңына айналды.

«Замандас» отбасылық аула клубтары халықтың әлеуметтік жағынан әлсіз топтардың 2 500-ден астам балалары Нұр-Сұлтан қаласындағы 5 аула клубына қатысады. Мұнда олар қосымша білім алып, спорт секциялары мен шығармашылық үйірмелерге қатысады. 20-дан астам шығармашылық, спорттық және білім беру секциялар мен үйірмелер, соның ішінде арт-терапия, вокал, актерлік шеберлік, хореография, тоғызқұмалақ және басқалары бар.

2013 жылдан бастап клубтардың жұмысына «Самұрық-Қазына» АҚ компаниялар тобының атынан «Samruk-Kazyna Trust» әлеуметтік жобаларды дамыту қоры қолдау көрсетуде.

«Samruk-Kazyna Trust» қорының ресми өкілі Мирас Іргебаев: «Өкінішке орай, ҚР Білім және ғылым министрлігінің деректері бойынша, елімізде әлі күнге дейін аз қамтылған отбасылардан шыққан балаларды (68,0%), сондай-ақ ерекше білім беру қажеттілігі бар балаларды (54,7%) қосымша білім берумен қамтудың төмен деңгейі сақталуда. Тиісінше, балалар мен жасөспірімдер сыныптан тыс білім ала алатын және шығармашылық дамуы жоғары болып қалатын дамыту орталықтарын құру қажеттілігі жоғары болып қалуда», - деді.

Оның айтуынша, «Замандас» отбасылық аула клубтары көптеген балалардың бос уақытын ұйымдастыру және кәсіптік бағдар беру арқылы осы мәселені шешуге бағытталған жоба.