Қазіргі заманғы медициналық аппараттар Қарағандыда жаңа туған нәрестелердің өмірін сақтайды

01/06/2021

Қарағандының Облыстық клиникалық ауруханасында терапиялық гипотермия мен электроэнцефалографияға арналған аппараттар пайда болды. Олар босану кезіндегі асфикцияның ауыр түрлеріне байланысты жаңа туған нәрестелердің өлімін азайтуға көмектеседі. «Samruk-Kazyna Trust» әлеуметтік жобаларды дамыту қоры қазіргі заманғы реанимациялық құрал-жабдықтарды сатып алудағы AYALA ҚҚ бас серіктесі болды. 

«Аталған жоба аясында электрэнцефалография мониторы мен автоматты басқарылатын гипотермия аппараты, сондай-ақ пациенттің мониторы сатып алынды. Осының барлығы сәбилер өлімі деңгейін төмендетуге, сондай-ақ жаңа туған нәрестелерде асфиксияға ұшырау нәтижесінде мүгедектіктің ауыр түрлерінің дамуын болдырмауға мүмкіндік береді. Біз денсаулық сақтау саласында бірқатар жобаларды жүзеге асырудамыз, соның арқасында жыл сайын мүгедектігі бар 7 мыңнан астам бала қазіргі заманғы орталықтарда тегін оңалтудан өте алады, Қазақстанда емделмейтін диагнозы бар шамамен 100 бала шетелдік клиникаларда емделеді, 600-ден астам «ерекше» бала бейімделу спортымен айналысады, ал 10,5 мың бала Түзету кабинеттері мен инклюзивті орталықтарда мамандардан көмек алды», - деп атап өтті «Samruk-Kazyna Trust» әлеуметтік жобаларды дамыту қорының ресми өкілі Мирас Иргебаев.      

Ол сондай-ақ «Samruk-Kazyna Trust» қоры Қарағанды облысында бұқаралық және бейімделу спортын дамыту, отбасы институтын қолдау, Covid-19 қарсы күрес аясында медициналық мекемелерді жабдықтармен жабдықтау сияқты бірқатар маңызды әлеуметтік жобаларды іске асыратынын атап өтті.

Жыл сайын Қарағанды облысында 19 мың бала дүниеге келеді, оның 7%-ы мерзімінен ерте туғандар. Оларға негізгі көмекті 6 перинаталдық орталық көрсетеді. Олардың бірі Облыстық клиникалық аурухана базасында жұмыс істейді және жыл сайын 5000-ға жуық босануды қабылдайды. Өткен жылы мұнда орта және ауыр дәрежелі асфиксияда 100-ге жуық сәби дүниеге келді. Олардың барлығы терапевтік гипотермия жүргізуді қажет етті, алайда бұл үшін ауруханада арнайы құрал-жабдықтар болмады, сондықтан оны қолдар бар құралдармен жүргізді.

Терапиялық гипотермияны алғашқы 6 сағатта, тіпті жаңа туған нәрестенің өмірінің алғашқы минуттарында қолдану қажет. Сонда ми жасушаларының жұмысын қалпына келтіруге мүмкіндік бар. Егер мұндай аппарат ауруханада болмаса, бала орталық жүйке жүйесінің ауыр функционалдық зақымдануымен қалып, тіпті қайтыс болуы мүмкін. Гипотермия аппараты жаңа туған нәрестенің барлық денесін немесе оның бөлігін ұқыпты салқындатады, осылайша нүктелі температуралық әсерлер қан ағынын түзетуге және сол арқылы нәрестелердің бас миының жасушаларының немесе зақымданған бөліктерінің қалпына келуін бақылауға мүмкіндік береді.

     «Босанудағы қиындықтардан кейін функционалдық және зияткерлік тұрғыдан сау қалған әрбір бала - бұл мемлекет, дәрігерлер, қорлар, қоғам тарапынан жасалған зор күш-жігердің нәтижесі. 14 жылдан бері біз ауруханалардың реанимацияларында Қазақстандағы бала өлімі мен мүгедектікті азайту үшін ең заманауи қондырғыларды орнатып келеміз. Нәтижесінде жүздеген мың баланың өмірі құтқарылды. Біздің қор елімізде ең озық медициналық әдістемелерді енгізуге көмектесуге ұмтылады. Соңғы 5 жылда біз перинаталдық орталықтарды автоматты басқарылатын гипотермияға арналған жабдықтармен жабдықтау бойынша белсенді жұмыс жүргізудеміз. Ірі демеушілердің қолдауымен біз осындай аппараттық кешендерді Нұр-Сұлтан қаласындағы Ана мен бала ұлттық ғылыми орталығында, Алматы қаласындағы Перинатология және балалар кардиохирургиясы орталығында, Атырау, Түркістан, Семей қалаларының облыстық перинаталдық орталықтарында орнаттық. Бүгін біз бұл жабдықты Қарағандыға бергенімізге қуаныштымыз және «Басқарылатын гипотермия» жобасының бас серіктесі - Samruk-Kazyna Trust әлеуметтік жобаларын дамыту қоры кішкентай қарағандылықтардың өмірі мен ақыл-ойын сақтап қалуға көмектескені үшін алғысымызды білдіреміз», - деп атап өтті AYALA қайырымдылық қорының президенті Айдан Сүлейменова.

Жабдықтар «Өмір сыйлайық» республикалық жобасы аясында тапсырылды. 14 жыл ішінде бұл жоба Қазақстанның 36 қаласы мен 67 медициналық мекемесін қамтыды. Жүздеген қазақстандық неонатологтар мен медбикелер біліктілікті арттыру курстарынан өтті. Ірі демеушілер мен қазақстандықтар аударған 682,2 млн теңгеге жобаны іске асыру барысында қор ауруханаларда: 106 фототерапия аппаратын, 11 ӨЖЖ аппаратын, 9 жаңа туған нәрестелерге арналған инкубаторларды, 23 реанимациялық үстелдерді, 26 емделушілердің төсек маңындағы мониторларын, 2 наркоз аппаратын, 9 ЭЭГ мониторларын және 7 терапия аппараттарын сатып алып, қойды.

     2021 жылдың ақпан айының басында қор неонатология, балалар реаниматологиясы және жаңа туған нәрестелер патологиясына маманданған қазақстандық дәрігерлердің біліктілігін арттыруға көмектесу үшін «AYALA онлайн-академиясы» тегін бейне-курстар платформасын іске қосты.

Пікір үстеу