Ардақты арманға жету жолында

Бүгінгі күнге дейін мұнда 3 835 ерекше бала оңалтудан өтті. «Қасиетті жол» оңалту орталықтарына әртүрлі дәрежедегі аурулары бар балалар түседі. Олармен жоғары білікті мамандар - дефектологтар, логопедтер, реабилитологтар, ЕДШ нұсқаушылары, психологтар жұмыс істейді. Олардың әрқайсысы өзінің пациенттеріне көмекке бар көңілімен келеді, және оларға барынша қуат, позитив және жақсылық сыйлайды.

Бүгін біз оңалту орталығында оңалту қабылдап жүрген балақаймен бір күн өткіздік. Танысыңыз, кейіпкердің есімі Аслан, ол 13 жаста.

Ол «Қасиетті жол» оңалту орталығына Семей қаласынан келді. Балада үш жас кезінде болған апаттың нәтижесінде болған жұлынның зақымдануы бар. Аслан өз аяғын сезбеді, бірақ өз құрдастарынан мүлдем қалмай қалыпты түрде дамыды.

Жеті жаста, барлық нормотипті балалар сияқты, бірінші сыныпқа, әдеттегі мектепке барды, онда сыныптастарымен қатар, тек қана «өте жақсы» деген бағамен білім алды. Аслан бастауыш сыныптарда оқып жүргенде оның анасы Райхан «Қасиетті жол» Оңалту орталығы туралы естиді. Қажетті құжаттарды жинап, Райхан ұлымен Астанаға келіп, бірінші оңалту курсынан өтті.

 «Біз жақсартуды бірден сездік. Осы орталыққа бесінші рет келіп отырмыз, мен барлық қызметкерлерге қамқорлықтары, кәсібиліліктері мен бізге деген ықыластары үшін өте ризамын», - дейді Райхан.

Бүгін, үш жылдан кейін, Аслан айқын нәтижелерге қол жеткізе алды, мысалы, аяғында сезімталдық пайда болды. Дәрігерлердің айтуынша тек олардың ғана еңбегі емес. Бұл өз күштеріне деген үлкен сенім, сауығуға деген ықыласы және, әрине, кейіпкеріміздің анасының үздіксіз қамқорлығының арқасында жеткен жетістік. Одан әрі одан да көп, Райхан оған сенімді.

Аслан күні, орталықта барлық балалар сияқты жуыну, таңғы ас, процедураларға дайындықтан басталады. Ал Асланда олар өте көп.

Таңғы астан кейін сағат 9.00-де ол кесте бойынша физиотерапияға - электрофарез пен магниттерге барады.

Айтпақшы, бүгін Асланның үстінде «Мүмкіндіктер тең әлем» ҚБ сыйға тартқан кимоно. ОО-да ем қабылдап жүріп ол шығыс жекпе-жегіне әуестенді.

«Маған каратэ өте ұнап қалды, бұл спорт түрі маған жақын. Онымен көбірек айналысуға тырысамын», - дейді Аслан.

Одан әрі біз ЕДШ кабинетіне барамыз, онда баламен тәжірибелі нұсқаушылар айналысады.

Бұл жерде Аслан мотомед тренажерына өз бетінше отыр, оған аяқ-қолдарын бекітуге көмектеседі. Мамандардың айтуынша, бұл тренажер аяқ-қолдың қозғалыс белсенділігін жақсартуға мүмкіндік береді.

Мотомедтан кейін Аслан «Корвит» деп аталатын басқа тренажерге қосылады. Бұл ресейлік ғалымдар құрастырған тренажер.

 «Тірек реакциясы күшінің механикалық әсері жүйке жүйесі арқылы беріледі және ми мен жұлын жасушаларының белсенділігіне әсер етеді. Нәтижесінде қозғалыс белсенділігі мен бұлшық ет-буын аппаратын бақылауға және басқаруға жауапты, бұлшықет тонусын қалыпқа келтіретін, қалыпты-түстік жүйенің жұмысын түзететін жүйелер қосылады немесе өшіріледі», - дейді нұсқаушы Абай Омарбеков.

ЕДШ сабақтары аяқталды, каратэ бойынша жаттығуға барамыз. Аслан осы уақытқа дейін үйренген тәсілдерін көрсетеді. Және оның қолынан барлығы керемет келуде! 

«Күн сайын жаттаған қозғалысты қайталауға тырысамын, үнемі жетілдіремін. Каратэның арқасында қолдарымды жаттықтырамын. Жыл сайын прогресті сезінудемін», - дейді кейіпкер.

Белсенді сабақтан кейін шағын демалыс, содан кейін психологпен сабақ. Әсел Канафина балаларға жеңілдеуге көмектеседі. Негізінен, ол ұжымдық сабақтар өткізеді, бірақ кейде оған жеке сабақтар бойынша да жүгінеді.

 «Менің басты міндетім - әлеуметтендірумен жұмыс істеу. Балалар үйде отырып, өз-өзімен оңаша қалып, ешқайда шықпайтынымен жиі кездеседі.  Және, әдетте, олар құрдастарымен өзара іс-қимыл жасай алмайды. Бұл жерде топтарда олар бір-бірін құрметтеуге, жалпы ережелерді сақтауға, бір-біріне құрмет көрсетуге, күлімсіреуге үйренеді», - дейді психолог.

Шын жүректен жұмыс істеп, біраз демалуға да болады. Кестедегі келесі тармақ - тұзды үңгір немесе галотерапия. Мұнда ыңғайлы жатып тынығуға және тұзбен демалуға болады.

 «Тұзды бөлмелер иммунитет үшін пайдалы. Әсіресе тыныс алу жүйесі үшін. Сондықтан біздің пациенттерімізге міндетті түрде 10 күн бойы өтетін галотерапияны жазамыз», - дейді «Қасиетті жол» ОО бас дәрігері Айнұр Нұрхожаева.

Осы ретте біз Асланнан оның қызығушылықтары туралы сұраймыз.

 «Маған бағдарламалау ұнайды. Ол жайында жақында білдім. Сондай-ақ, маған құқық қорғау қызықты. Мүмкін, болашақта заңгер боламын», - дейді бала.

«Мектепте маған математика ұнайды, бірақ маған нақты немесе гуманитарлық ғылымдардың қайсысы жақын екенін анық білмеймін», - деп жалғастырды Аслан.

Осы орайда біздің онымен кездесуіміз соңына таяп қалды. Жақында Аслан үйіне - Семейге оралды. Бірақ ол өзінің арман-мақсатына жету үшін – аяққа тұру және жүре бастау үшін қайтадан орталыққа оралғысы келеді.

«Мен міндетті түрде баратынымызға сенімдімін.  Мен «Қасиетті жол» орталығының мамандарының арқасында қол жеткізген прогресті көріп отырмын, бізде үміт пайда болды. Осы ғажайыпқа үлес қосқан барлық адамдарға үлкен рахмет. Мен сіздерге шексіз алғыс білдіремін», - дейді Асланның анасы Райхан.