Жас қазақстандықтар жоғары деңгейдегі халықаралық жарыстарға қатысу үшін жолдама алды

Спорттық бал билері бойынша екі би жұбы: Нұрахметов Еркебұлан мен Жаңаөмір Жансая, Дәурен Бахтияр және жел Ветрова Ясмина планетамыздың ең беделді би турнирлерінің бірі «Winter Gardens Blackpool World Dance Festival For Juniours» -ке қатысуға «Samruk-Kazyna Trust» Қорының жол жүру гранттарына ие болды, аталмыш сайыс Англияның Блэкпул қаласында 2019 жылғы 22-28 сәуірде өтеді. Жол жүру гранты: әуе рейсіне (Нұр-Сұлтан – Лондон – Нұр-Сұлтан), теміржол транспортында жол жүру (Лондон – Манчестер – Лондон) бойынша берілді.

Бұл турнир 2018-2019 жылдардағы би сахнасын қорытындылайтын, планетаның үздік бишілері мен сарапшылары жиналатын жер шарымызда жыл сайые өтетін жалғыз әрі басты қорытынды турнир. Екі қазақстандық жас жұп осыған дейін республикалық және халықаралық іріктеу турларынан өтті, осылайша әлемдегі ең мықты бишілердің негізгі турниріне қатысу құқығын жеңіп алды.

«Samruk-Kazyna Trust» Қорының дәл осындай жол жүру грантына Павлодар облысының «Айгөлек» би ансамблі 2019 жылдың 1-15 шілдесінде Болгарияның Обзор қаласында өтетін «Розы Обзора» хореографиялық өнер және балалар-жастар шығармашылығы VIII халықаралық фестиваліне қатысу үшін ие болды. 

Болгарияда өтетін фестивалге қатысу үшін «Айгөлек» би ұжымынан 16 бала ұсынылып, барлық бала келесі бойынша жол жүру гранттарына ие болды: әуе рейсі (Нұр-Сұлтан - Стамбул - Нұр-Сұлтан), автотранспортта жол жүру (Стамбул - Бургас/Варна - Стамбул).

Еске салайық, «Samruk-Kazyna Trust» Әлеуметтік жобаларды дамыту қоры 2019 жылдың ақпан айында «Жас таланттар» жобасының жалғасы туралы жариялаған болатын.

Жобаның мақсаты - балалар жарыстары, конкурстар, конференциялар, спорттық іс-шаралар және қоғамның тұрақты дамуына ықпал ететін басқа да ұлттық және халықаралық шығармашылық іс-шаралар қатысу үшін жол жүру гранттарымен (бару және қайту әуе, автомобиль, темір жол билеттерін) қамтамасыз ету. 

Ережеге сәйкес 18 жасқа толмаған балалар мен ата-аналары немесе қамқоршылары, балаларға арналған топтардың басшылары және әлеуметтік мекемелер жол жүру грантына өтінім бере алады.

Грант алу үшін өтінімдерді тапсыру шарадан 20 күнтізбелік күн бұрын кешіктірмей беру керек. Шешімді «Samruk-Kazyna Trust» Қорының өкілдері, Қордың қамқоршылық кеңесі, сондай-ақ Қазақстанның қоғам қайраткерлерінен тұратын арнайы құрылған комиссия қабылдайды.

«Егер өтініш беруші жеке тұру және тамақтану шығындарын өздігінен төлейтін болса, кез-келген адам жол жүру грантын алу үшін өтінім бере алады. Сондай-ақ өтінімдер қаралған кезде Комиссия ерекше назар қатысушының әлеуметтік мәртебесіне, көпбалалы және толық емес отбасылардан балалар үйлерінің балаларына аударылады», - дейді «Samruk-Kazyna Trust» Әлеуметтік жобаларды дамыту қоры, корпоративтік коммуникациялар  департаментінің директоры Іргебаев Мирас.

Жол жүру гранттарын беру ережелері, сондай-ақ өтінім берушілерге қажетті құжаттар тізімі Қордың сайтында, «Құжаттар» бөлімінде таныса аласыз. 

Пікір үстеу