Астанада Аула хоккей лигасы басталды
11/02/2019
Осы қыста Астанада балалар мен жасөспірімдерге арналған аула хоккей лигасы өтеді. 2019 жылдың 9 ақпан мен 17 наурыз аралығында өтетін жарыстарға 9 аула командасы қатысады. Биылғы жылы ойындар 2 жас топтан: 11-12 жастағы, 13-14 жастағы ұл балалар үшін өтеді. 100-ге жуық бала ойындарға қатысады деп, жоспарлануда.
Аула хоккей лигасы балалар мен жасөспірімдер арасында хоккейді танымал ету, оларды салауатты өмір салтына тарту және кіші ұрпақтың бейәлеуметтік мінез-құлқының алдын алу мақсатында құрылды.
Биыл жобаны «Замандас 21» Қоғамдық қоры «Samruk-Kazyna Trust» әлеуметтік жобаларды дамыту қорымен бірлесіп жүзеге асыруда. Сондай-ақ, хоккей лигасын Астана қаласының әкімдігі мен Қазақстан Республикасындағы АҚШ Елшілігі қолдады.
«2017 жылы Аула хоккей лигасы құрылды. Бірінші маусымның қорытындысы бойынша біз жобаның шынымен сұранысқа ие екенін түсіндік. Нәтижесінде-Астана қаласы әкімдігінің қалалық мектептер аумағында хоккей корттарын салу, шайбалы хоккей әкім Кубогын өткізу туралы тапсырмасы бойынша, «Замандас» аула клубтарында хоккей және футбол ойнайтын спорт үйірмелері ашылды. Балалардың лигаға қатысуы тегін өтеді», - деді Ләззат Алшинова.
«Замандас 21» ҚҚ директорының айтуынша, ойынға дайындық дәстүрлі түрде желтоқсан айында басталады. Барлық қатысушыларға тегін негізде спорттық киім, коньки, кілт беріледі,ал соңында барлық командалар кубоктармен және естелік сыйлықтармен марапатталады.
Аулалық хоккей лигасы-мамандандырылған спорт клубтарында айналысуға мүмкіндігі жоқ балаларға өз арманын жүзеге асыруға және хоккей ойнауға мүмкіндік беретін жоба.
Ойындар мына мекен-жайда өтеді: Астана қ., ш / а. Молодежный көшесі, Таха Хусейн көшесі, 5/1, № 27 мектеп-лицейі (хоккей корты).
Толығырақ телефондар арқылы: 8 701 999 36 43, 8 775 159 15 14
Comments are closed.