АСТАНАДА АТА-АНАСЫНЫҢ ҚАМҚОРЛЫҒЫНСЫЗ ҚАЛҒАН 21 БАЛА ОТБАСЫН ТАПТЫ
31/01/2019
2019 жылдың 31 қаңтарында «SOS Астана балалар ауылы» МББМ «Жетімдіктің алдын алу және баланы отбасына орналастыру саласындағы қызметтердің сапасын арттыру. Отбасын қолдау орталығының тәжірибесі» конференциясы өтті. Конференцияда SOS Астана балалар ауылының базасында жұмыс істейтін Отбасыларды қолдау орталығының 2017 жылдан бастап жасаған жұмысы қорытындыланды.
Конференцияға Астана қаласы әкімдігінің «Білім басқармасы» ММ қамқоршылық және қорғаншылық бөлімінің басшысы Гүлім Жүсіпова, «Samruk-Kazyna Trust» Әлеуметтік жобаларды дамыту қорының бас менеджері Әсет Қылышбаев, «SOS Қазақстан балалар ауылдары» КҚ отбасылық қорғаншылық жөніндегі ұлттық кеңесшісі, Левицкая Лия, балалар үйі мен кәмелетке толмағандарды бейімдеу орталығының өкілдері, сондай-ақ жобаға қатысушы ата-аналар қатысты.
Қазақстанның SOS балалар ауылдары «Samruk-Kazyna Trust» Әлеуметтік жобаларды дамыту қорымен бірлесіп іске асыратын «Балаға арналған қамқор үй» қайырымдылық жобасы аясында Астана, Алматы және Теміртау қалаларында отбасын қолдаудың үш орталығы жұмыс істейді.
Осылайша, «Балаға арналған қамқор үй» жобасының бір жарым жылы ішінде отбасын қолдау орталықтарында 174 отбасы – 664 адам (386 бала және 278 ересек) әлеуметтік, психологиялық және құқықтық сүйемелдеумен қамтылды, 55 бала баламалы қамқорлыққа алынған, оның ішінде 21 бала – Астанадан. Сондай-ақ асырап алушы ата-аналар мектебінің сабақтарына 134 ата-ана қатысады.
«Ата-анасы уақытша қамқорлық жасай алмайтын бала кәмелетке толмағандарды бейімдеу орталығына емес, қысқа мерзімге тұруға арналған отбасыға тап болған Теміртау қаласындаға қысқа мерзімді қамқорлық жасау тәжірибесі өте қызықты. Біз Астанада осыған ұқсас нәрсе ұйымдастыруға мүдделіміз», - деді Гүлім Жүсіпова.
Пікірталас алаңы кезінде қабылдаушы және биологиялық ата-аналар өздерінің туған және асырап алған балаларына қамқорлық жасау тәжірибесі туралы айтты. Ата-аналардың айтуынша, бұл қиын процесс, атап айтқанда эмоциялық тұрғыдан, бірақ ең бастысы, балалар отбасын табады.
«Отбасыларды сүйемелдеу бойынша жұмыста салдарлармен емес, себептермен күресу қажет, соның нәтижесінде жұмысты жетімдіктің алдын алуға, отбасыларды дағдарыстың ерте кезеңдерінде қолдауға бағыттау қажет», - дейді Астанадағы жобаның үйлестірушісі Анна Коняхина.
Сондай-ақ, конференция барысында ата-ана құқықтарын қалпына келтіру рәсімінен өтетін алмастырушы отбасылар мен биологиялық ата-аналарға қызмет көрсету бойынша ұсыныстар әзірленді. Бұл көптеген балаларға отбасында тәрбиеленуге мүмкіндік береді.
Конференция қорытындысы бойынша ұсыныстар Білім басқармасына және Қазақстан Республикасы Білім және ғылым министрлігінің Балалардың құқықтарын қорғау комитетіне жіберіледі.
Comments are closed.