ОКАЗАТЬ ПОМОЩЬ

Медициналық пойыздар: Дәрігерлер өңірлерде ең көп таралған ауруларды атады

21/12/2018

Қазақстанда «Медициналық пойыздар» жобасының кезекті маусымы аяқталды.

Пойыз өз жұмысының үш айдан көп уақыты ішінде 9 өңірде болды, олар - Алматы, Түркістан, Қызылорда, Атырау, Маңғыстау ("Денсаулық"); Қарағанды, Павлодар, Қостанай және Шығыс Қазақстан облыстары ("Саламатты Қазақстан"). Пойыз 17 360,6 шақырым ("Денсаулық" - 9720,6 км," Саламатты Қазақстан " - 7640 км) жерді жүріп өтті.

Биылғы жылы дәрігерлер 124 бекеттің тұрғындарын тексеріп шықты, ал бұл дегеніміз 41 000-нан астам адам. Оның 6 000-нан астамы балалар. Бұл ретте дәрігерлерге тексерілуге келушілер саны 192 000-ға жуық болды. Сонымен қатар, 3 000-нан астам кіші хирургиялық операциялар жүргізілді.

Дәрігерлер шалғай бекеттердің тұрғындары арасында ең көп таралған ауруларды да атап өтті. Олардың арасында - артериялық гипертония, жүректің ишемиялық ауруы, қант диабеті, созылмалы бронхит, эндемиялық жемсау бар.

Биылғы жылы "медициналық пойыздар" жобасы 3 қыркүйекте басталды. Медициналық бригадалардың құрамында жоғары білікті мамандар жұмыс істеді, олардың арасында терапевт, хирург, маммолог, окулист және басқалары бар.

Жобаны "Самұрық-Қазына" АҚ компаниялар тобының атынан "Samruk-Kazyna Trust" әлеуметтік жобаларды дамыту қоры біздің серіктестерімізбен - "Қазақстан Темір Жолы "ҰК" АҚ жанындағы Әлеуметтік жобалар қорымен, Қазақстан Республикасы Ішкі істер министрлігімен және денсаулық сақтау министрлігімен бірлесіп жүзеге асырады.


Warning: Undefined array key "source-name" in /var/www/vhosts/sk-trust.kz/httpdocs/wp-content/themes/sq/single.php on line 33

Добавить комментарий


Warning: Undefined array key "url" in /var/www/vhosts/sk-trust.kz/httpdocs/wp-content/themes/sq/functions.php on line 256