Ең үздік суреттер «Абайдың қара сөздері» мерейтойлық кітабына басылады

Байқауға мұрындық болған «BAURZHAN foundation» Жеке қоры шығармашылық жарыстың нәтижесін «Балалар әлемді бейнелейді» ҚҚ және «Samruk-Kazyna Trust» әлеуметтік жобаларды дамыту қорымен бірлесе отырып шығарды. Ең үздік суреттер Абай Құнанбаевтың 175 жылдығына арналған «Қара сөздер» кітабының иллюстрацияланған басылымында жарияланады. Осылайша, ойшыл ақынның мерейтойы қарсаңында жүріп жатқан шаралар қатарына «Қара сөздер» сурет байқауы да қосылды.