Өмірін өзі қиғандар

Еліміздің Бас прокуратурасының ресми мәліметі бойынша 2019 жылы 180 бала өзіне өзі қол салып, 351 жасөспірім өмірмен қоштасуға әрекет жасаған. Бұл 2018 жылға қарағанда 6,7 пайызға көп. Неге кейде бір әулеттің «ішкені алдында, ішпегені артында» дейтін, көзінің ағы мен қарасындай жалғыз баласы, үкілеген үміті, өзін өзі өндірдей жаста өлімге қияды? Қысқасы, бүгінде жасөспірімдер арасындағы суицидте еліміздегі төрт өңір көш бастап тұр.