29/03/2024
Бюджеті: 259 371 918 тг
Іске асыру мерзімі: 2024 жылдың мамыры мен тамызы
Қамтылған өңір: Қазақстанның барлық аумағында жүзеге асырылады
Серіктес: «Әлеуметтік жобалар қоры» корпоративтік қоры
Мақсаты: Туристік пойыз ішкі туризмді, Қазақстанның мәдени-тарихи мұрасын танымал етуге бағытталған. Басты мақсат – балалар мен жасөспірімдерді еліміздің табиғи, тарихи және мәдени әртүрлілігімен таныстыру.
Мақсатты топ: су тасқынынан зардап шеккен өңірлердегі балалар және «Самурық-Қазына» АҚ компаниялар тобының шалғай аудандардағы өндірістік кәсіпорындары жұмысшыларының балалары
Нәтижесі: Жобаға 400 бала қатысты, оның 200-і су тасқынынан зардап шеккен балалар және 200-і «Самурық-Қазына» АҚ компаниялар тобының шалғай аудандардағы өндірістік кәсіпорындары жұмысшыларының балалары.
Астана – Бурабай – Алматы – Тараз – Түркістан – Байқоңыр бағыты бойынша екі тур ұйымдастырылды.
Саяхат барысында балалар жаңа орта тауып, қарым-қатынас орнатып, бірлескен іс-шараларға қатысып, тәжірибе алмаса алды.
Қатысушылардың Қазақстан тарихы мен мәдениетіне деген қызығушылығы артты, бұл сауалнамалардың нәтижелері мен әлеуметтік желілерде жарияланған қатысушылардың кері байланыстарымен расталады.
Сонымен бірге, жобаның тәрбиелік-мазмұндық жағына ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия атсалысты.
Экскурсиялар, интерактивті сабақтар, мәдени шаралар арқылы балалардың патриоттық рухы шыңдалып, ой-өрісі кеңейді. Білім беру мекемелері, туристік ұйымдар мен жергілікті атқарушы органдардың ынтымақтастығы кеңейіп, жаңа әлеуметтік-мәдени бастамаларды жүзеге асыруға негіз жасалды.
Comments are closed.