МЕДИЦИНАЛЫҚ ПОЙЫЗДАР

Бюджеті: 796 386 942 тг

Іске асыру мерзімі: 2024 жылдың мамыр-желтоқсан аралығы

Қамтылған өңір: Қазақстан Республикасы

Серіктес: «Әлеуметтік жобалар қоры»  корпоративтік қоры

Мақсаты: Жоба шалғай өңірлерде тұратын 50 мыңға жуық тұрғынға жоғары білікті медициналық, психологиялық, құқықтық және медиациялық (татуластыру) көмек түрлерін көрсету. Сондай-ақ, өмірге қауіп төндіретін ауруларды білікті мамандар ерте кезеңнен анықтап, оған қажетті көмекті дер кезінде көрсетуге, оны жақсартуға бағытталған.

Мақсатты топ:

- Медициналық мекемелері жоқ шалғай өңірлердің тұрғындары;
- Халықтың әлеуметтік осал топтары

Жобаның нәтижесі: Медициналық пойыз мамандарының  тексеру барысында пневмония, несеп тас ауруы, өт тас ауруы, жүрек қан тамырлары аурулары мен онкологияға шалдыққандар анықталды.

2024 жылғы сәуірден желтоқсанға дейінгі көрсеткіштері мынандай:

• 101 301 тұрғын тексерілді, оның ішінде 23 282 балалар және 78 019 ересектер;
• |Білікті мамандармен жүргізілген консультациялардың жалпы саны – 231 779;
• 13241 тұрғынға стоматологиялық көмек көрсетілді;
• 2949 азаматқа тегін заңгерлік және медиация (татуласу) көмегі көрсетілді.
• Оның ішінде 1105 азаматқа заңгерлік кеңестер мен  медиациялық консультациялар берілді.