Олеся Радилова: КЕҰ мен бизнес серіктес болуы тиіс

Қазіргі таңда фандрайзинг тақырыбы жаңалық емес, бірақ әлі күнге дейін ашылған жоқ. Оның құралдары мен стратегиялары үнемі жаңартылып отырады, бірақ көптеген КЕҰ коммерциялық емес секторға ақша қаражатын тарту бойынша тиімді жұмысты қалай құру керектігін білмейді.

 «Упсала-Цирк - бұзақыларға арналған әлемдегі жалғыз цирк» жобасының фандрайзері Олеся Радилованың, ресейлік және шетелдік платформаларында табысты краудфандингтік кампанияларды құрушысы КЕҰ мен әлеуетті донорлардың өзара қарым-қатынасын қалай дұрыс құру және корпоративтік фандрайзинг жүйесін құру туралы айтып берді.

 «Фандрайзер ұйымда ақша пайда болуы үшін жауап беруі керек, ал донор бұл ақшаны бергеннен бақытты болуы керек.  Ол үшін, бірінші кезекте, донорға ақша алу мақсатында емес, өзіне көмектесу мақсатында, мысалы, брендті жылжыту немесе корпоративтік әлеуметтік жауапкершілікті дамыту тұрғысынан бару керек. Сондықтан бизнес фандрайзерді қол созған адам ретінде емес, аудиториямен қарым-қатынас орнатуға көмектесетін серіктес ретінде қабылдауы тиіс», - дейді Олеся Радилова.

Әлеуметтік жобаға қаражат тарту үшін отандық коммерциялық емес ұйымдар өздерінің жобаларын интернетте ұсына отырып, өзі туралы мәлімдеуден қорықпауы керек деп есептейді танымал қазақстандық блогер, медиатренер, интернетте ілгерілету жөніндегі кеңесші Яков Федоров.

«Интернетте әлеуметтік құралдарды ілгерілету - бұл ұйымның беделін қалыптастыру құралдарының бірі. Әлеуетті серіктестермен және пайдаланушылармен жұмыс істеу кезінде өз қызметін көрсету, өз жобаларына әлеуметтік көрініс бере отырып, ол туралы аудиторияға айту өте маңызды», - дейді Яков Федоров.

 «Samruk-Kazyna Trust» Әлеуметтік жобаларды дамыту қорының ұйымдастыруымен «БлагоАфиша" MeetUp» астананың коммерциялық емес ұйымдарының 70-тен астам өкілі жиналды. Қордың ресми өкілі Мирас Іргебаев атап өткендей, мұндай іс-шараның форматы коммерциялық емес сектор өкілдеріне қосымша білім алу ғана емес, сонымен қатар өз сұрақтарына интреактивті түрде жауап алуға мүмкіндік береді.

 «Samruk-Kazyna Trust» Қоры «Самұрық-Қазына» АҚ компаниялар тобының атынан қайырымдылық көмек көрсетіп, әлеуметтік маңызды жобаларды жүзеге асыруда. Бірақ қайырымдылық көмек – бұл қаражат бөлу ғана емес, біз өз тарапымыздан КЕҰ-ға өз жобаларын табысты жүзеге асыруға көмектесетін білім беруге ұмтыламыз. Тәжірибе көрсетіп отырғандай, бұл формат өте табысты және бүгінгі кездесу сәтті өтті.

MeetUp «БлагоАфиша» қатысқандардың жалпы саны 60-тан асады. Олардың барлығы осындай іс-шараларды өткізудің пайдалылығы мен қажеттілігін атап өтті.