«Таза Шабыт». «Астана Опера» әртістері елордада әлеуметтік осал отбасылардың балаларына шеберлік сабағын өткізді

Балалар театр мұражайын, үлкен зал галереясын және Барокко залын тамашалап, ән айтып, ҚР еңбек сіңірген әртістерінің орындауындағы түрлі музыкалық туындылардың партияларын тыңдады. Іс-шараға қатысқан балалар «Замандас» отбасылық аула клубтарының тәрбиеленушілері болып табылады және вокал үйірмелеріне қатысады. Сондықтан олардың көпшілігі осы шығармашылық бағыттың негіздерін біледі.

«Бұл өнер әлеміне керемет саяхат болды. Біз әлемнің ірі сахналарында өнер көрсететін танымал қазақстандық орындаушылармен таныстық. Кәсіби әншілер бізбен бірге «ән шырқады», орындау кезінде дұрыс дем алуды үйретті және өз ісі туралы айтты. Мен өзім вокалмен айналысамын, сондықтан мен үшін бұл кездесу – таза шабыт. Кім біледі, мүмкін болашақта біздің клубтың тәрбиеленушілері ірі алаңдарда өнер көрсетіп, вокал саласында еліміздің атын шығарады. Мүмкін, мен де үлкен сахналарда өнер көрсететін шығармын», - деп «Замандастың» 9 жасар тәрбиеленушісі Милана Акулова өз әсерімен бөлісті.

ҚР еңбек сіңірген қайраткері, «Астана Операның» жетекші солисті Жұпар Ғабдуллина қатысушыларға қолөнерді оқытудағы қиындықтар туралы айтып берді:

«Адамның дауысы музыкалық аспап сияқты, бірақ ол скрипка мен фортепианодан бірнеше есе күрделі. Дауыс нәзік, күрделі және тек музыкалық ғана емес, физиологиялық заңдарға да бағынады. Сахнада өнер көрсету қабілеттерін меңгеру үшін көп жұмыс істеу керек және ән айту дағдыларын дамыту керек, яғни дауысты дұрыс «тәрбиелеу» керек. Балаларға да, ересектерге де вокал бойынша арнайы мұғалімдер ән айтуды үйретеді. Алдымен хор және сольфеджио бойынша мұғалімдер – музыка мектебінде, содан кейін вокал бойынша мұғалім – университетте, кейінірек солистермен концертмейстерлер айналысады. Қазір біз осы бағытта алғашқы қадам жасап жатырмыз».

 Бүгінгі кездесу «Samruk-Kazyna Trust» әлеуметтік жобаларды дамыту қорының бастамасымен жыл соңына дейін ұйымдастырылатын шеберлік сағаттарының сериясын ұсынады. Алғашқы іс-шараны КСРО және Қазақстанның Халық әртісі, академик Бибігүл Төлегенова ашты. Өзінің бейне үндеуінде ол қатысушыларға сәттілік тілеп, жылы сөздер айтты.

Сондай-ақ, балаларды «Samruk-Kazyna Trust» Қорының ресми өкілі Мирас Іргебаев құттықтады:

«Біздің Қор әрқашан балалар үшін дамудың жаңа көкжиектерін, сондай-ақ оқыту мен өзін-өзі дамытудың түрлі мүмкіндіктерін ашуға және таң қалдыруға тырысады. Бүгін біз тағы бір танымдық және жарқын оқиғаның куәсі болғанымызға қуаныштымыз. Әртістермен және олардың қызметімен танысып, «Замандас» балақайлары шығармашылықтағы мансапқа шабыт алып, болашақта Бибігүл Төлегенова байқауына қатыса алады деп ойлаймын. Вокал - бұл біздің қоғамда терең құрметтелетін және талантты жас орындаушылардың назарына лайық тамаша бағыт».

Балалар кездесуден жағымды әсер алып қана қоймай, барлық заманауи кездесулердің басты құрамдас бөлігі - әртістермен және бір-бірімен «селфи» жасады.

Анықтамалық:

«Замандас» отбасылық аула клубтарының қызметі мен шеберлік сыныптарын өткізуді «Samruk-Kazyna Trust» әлеуметтік жобаларды дамыту қоры қолдайды.