Қазақстанда короновирустың таралуының алдын алу шаралары қабылданды

19 наурыздан бастап Нұр-Сұлтан мен Алматыда карантин жарияланды. Соңғы тәулікте жұқтырғандар саны 35-ке дейін өсті және барлық жағдайлар осы қалаларда тіркелген. Ел бойынша короновирустың таралуын болдырмау үшін Үкімет уақтылы шаралар қабылдады.

Оқушылар каникулға бір апта бұрын – 16 наурыздан бастап жіберілді, ал студенттер қашықтықтан оқуға ауыстырылды. Ұйымдардың бір бөлігі қашықтықтан жұмыс жасау режиміне көшті, ал келесі бөлігі қысқартылған жұмыс сағаттары мен жұмыс күндері бекітілген графикпен жұмыс жасауда, барлық бұқаралық шаралар кейінге қалдырылды.

Санитарлық-эпидемиологиялық шаралар күшейтілді, адамдардың жүруіне, сондай-ақ көлік құралдарының елорда мен Алматыға кіруіне/шығуына шектеу қойылды, қоғамдық көлік қозғалысы шектелді, супермаркеттерден, азық-түлік дүкендерінен, дәріханалардан басқа сауда орталықтарының, азық-түлік сатылмайтын базарлардың жұмысы тоқтатылды. Қоғамдық тамақтану объектілерінің жұмысы жеткізу режиміне ауыстырылды.

Осы және басқа да шаралар халық арасында инфекцияның таралуының алдын алуға мүмкіндік береді.

Дүниежүзілік денсаулық сақтау ұйымы короновирустық инфекциядан қорғау үшін келесі сақтық шараларын сақтауды талап етеді:

Қолды үнемі жуыңыз

Қолыңызды спиртті құралмен үнемі өңдеңіз немесе сабынмен жуыңыз.

Қоғамдық орындарда қашықтықты сақтаңыз

Өзіңізді адамдардан кем дегенде 1 метр қашықтықта ұстаңыз, әсіресе жөтел, мұрын және жоғары температура болса.

Мүмкіндігінше, көз, мұрын және ауызды қолмен ұстамаңыз

Инфекциясы бар қолмен көздеріңізді, мұрныңызды немесе ауызыңызды ұстасаңыз, вирусты қол терісінен ағзаңызға көшіресіз.

Респираторлық гигиена ережелерін сақтаңыздар

Жөтел және шаю кезінде ауыз бен мұрынды салфеткамен немесе шынтақты майыстырып жабыңыз; салфетканы қоқысқа арналған қақпағы бар контейнерге бірден лақтырып, қолды құрамында спирт бар антисептикпен өңдеңіз немесе оларды сабынмен сумен жуыңыз.

Дене қызуы жоғарылаған, жөтел пайда болған және тыныс алу қиындаған кезде тез арада медициналық көмекке жүгініңіз

Температураның жоғарылауы, жөтел және тыныс алудың қиындауы медициналық көмекке дереу қарауды талап етеді, өйткені респираторлық инфекциядан немесе басқа да ауыр аурудан туындауы мүмкін.

Соңғы ақпаратты қадағалап, медициналық мамандардың ұсыныстарын орындаңыз

COVID-19 туралы жаңа ақпаратты қадағалаңыз. Мамандардың, орталық және жергілікті қоғамдық денсаулық сақтау органдарының, сондай-ақ сіз жұмыс істейтін ұйымдардың COVID-19 өзін және айналасындағыларды қорғау бойынша ұсыныстарын орындаңыз.