«Samruk-Kazyna Trust» қолдауымен биыл Астана мектептерінде жаңа инклюзияны қолдау кабинеттері ашылады

Сыныптар «Samruk Charity Marathon» қайырымдылық марафонынан жиналған қаражаттан жабдықталады. Бұл туралы Корпоративтік қордың бас директоры Альфия Адиева инклюзия тақырыбына арналған халықаралық конференцияда айтты. Осыған дейін «Самұрық-Қазына» қорының компаниялар тобы атынан Астананың 11 мектебінде жаңа форматтағы инклюзияны қолдау кабинеті ашылған.

Алғашқы 5 кабинет Марафон есебінен, тағы 5 мектеп Қордың жеке қайырымдылық бюджетінен болса, осы жылы ашылған 1 кабинет «SK Azil Fest» қайырымдылық кешінен түскен қаражатқа ашылды. Нәтижесінде елордада 500-ге тарта бала инклюзивті біліммен қамтылып отыр.

Сонымен бірге Қордың инклюзия саласындағы жобалары таныстырылды. Инклюзиялық жобалар Қордың денсаулық сақтау, білім, спорт сынды негізгі бағыттарының әрқайсында бар. Бұл – оңалту орталықтары, инклюзивті спорттық секциялар мен оқыту жобалары.

Бүгін Астанада өтіп жатқан «Қолжетімділік, теңдік және әртүрлілік – заманауи мектептің басымдылықтары» халықаралық ғылыми-практикалық конференциясында отандық мамандармен бірге Канада, Түркия, Әзірбайжан, Жапониядан барлығы 100-ге тарта білім беру мамандары қатысуда.