9 маусымда «Туған елге саяхат» балалар туристтік пойызы» жобасының бірінші сапары аяқталды

9 күн ішінде балалар туған Қазақстанның бес әдемі және тарихи қаласында болды. Әрбір қала балалардың есінде қалады.

Экскурсиялық тур Нұр-Сұлтан қаласынан басталды. Екінші тамаша Байқоңыр қаласы болды, олар «Қорқыт ата» мемориалдық кешеніне барды, содан кейін «Байқоңыр» ғарыш мұражайында болып, зымыранның макетін ұшырды.

Ғарыш тарихына шолу жасағаннан кейін пойыз шуақты Тараз қаласына бет алды, мұнда балаларды Айша-бибі мен Қарахан кесенесіне бару, көне аңыздарды зерттеу, сондай-ақ жергілікті аквапаркта жүзу күтіп тұрды. Келесі күні пойыз оңтүстік астанаға келді.

Алматыда оларға жергілікті хайуанаттар бағын, дельфинарийді көруге, «АЙЯ» ойын-сауық саябағында серуендеуге және Көк-Төбе бейнеленген көріністі көруге мүмкіндік туды. Келесі күні таулар Балқаш көліне айналды, оның жағасында жас саяхатшылар ұлу қабыршақтарын жинап, футбол және ұлттық ойын түрлерін ойнады. Қызыққа толы аптадан соң пойыз елордаға оралып, онда 2019 жылдың бірінші сапары маусымы аяқталды.

Балалардың көпшілігін қалалардың тарихы мен географиясынан басқа, олардың заманауилылығы таң қалдырды. Әсіресе, оларға Алматы және Нұр-Сұлтан архитектурасы ұнады.           

Жобаның бірінші сапарының қатысушылары эмоцияға толы және әсерлерімен бөлісуді тоқтатпайды: Арқалық қаласынан келген Ашықбай Ақжол: «Бәрінен де маған үлкен қалалар ұнады. Мен Алматы қаласында алғаш рет болып, аттракцион саябағына алғаш рет бардым. Ал елордада мен EXPO көрмесін алғаш рет өз көзіммен көрдім».

Бұл сапарда көптеген балалар өз таланттарын ашты. «Әдетте, үшінші күні балалар бір-біріне үйреніп кетеді. Біз шахмат және армрестлинг бойынша бірнеше спорт чемпионаттарын өткіздік. Сондай-ақ, қатысушылардың бірі әнге деген ынтасын ашып, біздің турдан кейін вокалмен кәсіби түрде айналысуды шешті», - деп атап өтті аға тәлімгер Сергей.

Тур кезінде балалар табиғатта көп уақыт өткізді. Балалар бойында отансүйгіштік пен білімге, тарихқа деген құштарлықты тәрбиелеуден басқа, тәлімгерлер қоршаған ортаға деген қамқорлық пен экологияға деген жауапкершілікті арттыруға тырысты. Ұйымдастырушылар атап өткендей, сапар барысында балалар өздерінің заттарын жинап жүруге ғана емес, сонымен қатар өздері болған қоршаған ортаға да қамқоршылық жасауға тырысты.

Нұр-Сұлтан қаласындағы қорытынды концертте балалар көрермендерге жолда үйренгендерін ұсынды: флэшмоб ұйымдастырылды, ән шырқалды және өлеңдер оқылды.Ұйымдастырушылар балаларға естелік сыйлықтар сыйлады.

«Балалар сапардан қуаттанған, шабыттанған, толық әсер алған - бұл бүкіл жобаның ең жақсы бағасы. Ол бойынша жұмыс жасай отырып, біз барынша қызықты бағыттарды пысықтап, балаларды еліміздің ең маңызды нүктелеріне алып баруға тырысамыз. «Туған елге саяхатқа» деген қызығушылық жылдан жылға артып келеді, балалар жобаға қатысуға болатын сағатты асыға күтеді», - деп атап өтті «Samruk-Kazyna Trust» Әлеуметтік жобаларды дамыту қорының ресми өкілі Мирас Іргебаев.

Жоба аясында келесі екі сапар 1 шілдеде және 1 тамызда басталады.Жобаның жалпы қатысушылары 600 бала болады: көп балалы немесе толық емес отбасыларда тәрбиеленетін шалғайдағы елді мекендерден «Самұрық-Қазына» АҚ-ның өндірістік кәсіпорындары мен зауыттары қызметкерлерінің 500 баласы, үлгерімі жақсы балалар. Тағы 50 бала - басқа елдерден келген қазақ диаспорасының өкілдері. Және шығармашылық байқау нәтижелері бойынша Қазақстанның түкпір-түкпірінен іріктелген 50 бала қатысты.